Antyodaya Campaign hawng

India ram zalenna kum 75-na lawmna kal zelah Lunglei district bawrhsap Kulothungan A chuan nimin khan Lunglei Civil Hospital OPD-ah Antyodaya Campaign 2022 a hawng.

Azadi Ka Amrit Mahotsav puala India rama district 75 thlan zingah Lunglei district chu Antyodaya scheme hmang thei tur zingah a tel. Scheme-in a tum ber chu - rualbanlote zawn chhuah a, medical board-in natna benvawn nei 40% chinte chu rualbanlo ngei an ni tih a finfiah hnuah identity card leh smart card an siamsak ang a, chumi hmang chuan sorkar laipui aṭangin hamṭhatna an dawng thei dawn a ni.

Rualbanlote zawn chhuah hi Lunglei khawpuiah neih phawt a ni dawn a, chumi hnuah thingtlang lamah kalpui leh a ni ang.