Birth certificate pek dan sawiho

Siaha additional DC Donny Lalruatsanga pisaah nimin khan sorkar, khawtlang leh pawl hruaitute'n birth certificate pek chhuah dana fimkhurna tur an sawiho.

Myanmar ráltlân zingah anmahni emaw, an fate emaw tana delay birth certificate dil an awm nual thu leh kohhran, VC leh tlawmngai pawlte'n India khua leh tui anga an lo hriatpuite an awm ṭhin thu tarlan a ni.

Ṭhutkhawmah hian Myanmar ráltlân ni si, nu leh pa atana India khua leh tui, EPIC nei hmanga kohhran, VC leh tlawmngai pawlte'n India khua leh tui anga an hriatpui an awm ṭhin chungchangah, "He thil hian kan district nasa takin a la nghawng thei dawn a, mawhphurtu official tan harsatna nasa tak la thlen thei a ni," an ti.