MLA Rintluanga'n zirtirtute a vau: NSUI

National Students Union of India (NSUI) Mizoram State chuan, June 24, 2022 chhun dar 12 vel khan Dampa bialtu MLA Lalrintluanga Sailo-in phone hmangin West Lungdar Middle School Headmaster leh zirtirtu a vau nia sawiin, an dem thu leh mi dangte dikna rahbehnaa an ngaih thu an tarlang.

NSUI, Mizoram thuchhuah tarlan danin, West Lungdar M/S chu NABARB sum pûk nuai 29 hmanga sak a ni a, a zìm bakah office leh choka sak tel a ni lo a, inthiarna a ṭha lo hle a ni. Sikul sak thar chu luah tlak a la nih loh avang leh a sak a chhiat êm avangin MZP Sub-Headquarter, West Lungdar pawhin an lo vaw chhiat tawh a ni.

Sikul luah tlak loh an luah loh avangin bialtu MLA Lalrintluanga Sailo-in zirtirtute sawn a tum a, phone-in a vau bawk nia sawiin NSUI chuan, "Kan dem tak zet a, khawtlang mipui, zirlaite leh zirtirtute zah lohna leh zirna sawp chhiat pawisaklohnaah kan ngai. Headmaster Pi Roliankimi leh a thawhpui Pu Khawlrochhunga thil ṭha lo tak a thleng a nih chuan NSUI, Mizoram chuan a ṭul ang zelin hma a la dawn a ni," an ti.