Khaw tinah silpauline sem rêl

Home minister R Lal­zirliana hoa nimina a pisaa minister leh parlia­mentary secretary ṭhenkhatte ṭhukhawm chuan, khaw tina Disaster Committee-te hnenah khualrel chhiatna thleng thei laka an inrálrin theih nan silpauline sem ni se, an ti.

Minister leh parlia­mentary secretary-te ṭhukhawm hian kumina fûr ruahtui tlain mipuite harsatna a thlen theih turte an thlir lâwk a; kumina ruahtui tla hma lutukin kawng hrang hranga nghawng a neih dan te, a bikin kut hnathawktute a nghawng theih dan turte ansawiho a ni.

Meeting chuan, ruah­sur nasat vanga chhiatna thleng thei laka fimkhur dan leh harsatna tâwkte mamawh phuhrûk dan tur zir chiang turin Agricul­ture leh a kaihhnawih department-te ruat ni se, an ti a; khaw tinah silpau­line sem an rél bawk a ni.