DVO pisa kai tur la dang zel

26th April, 2017

Champhai Vengsang Milk Producer Primary Society leh Champhai Tlangsama bawng vultute chuan nimin thleng khan Champhaia AH&Vety officer leh CHAMUL Managing Director pisa kai tur an la dang chhunzawm zel.

Bawng vulhtute hian December 2015 aṭanga May 2016 inkara CHAMUL-a bawnghnute an pek man an la dawng lo a; bawnghnute man pek phûtin April 4, 2017 aṭang khan Champhai DVO, CHAMUL Managing Director ni bawk pisa kai tur an dang ṭan a, nimin thleng khan an la dang a ni.

CHAMUL Ltd.-in bawnghnute an lakna man an batsak hi Rs. 45,37,940 a ni.