Chhiatna laka invenna tur thuchhuah siam

Mamit additional DC H Lian­zela, Disaster Management & Rehabilitation (DMR) department aiawh (nodal officer) ni bawk chuan nimin khan thuchhuah a siam a; tunlai thlipui tleh leh ruahsûr tam hun lai a nih avangin, mipuite fimkhur turin a chah bakah, tih tur leh tih loh turte a tarlang.

Himna atana tih turte
1. Thlipui a tleh dawn tih hriat aṭangin theih ang tâwka ngaihchân tur.
2. Tuidawn ṭha tak neih tur.
3. Tuihâwk luankawr ṭha tak siam tur.
4. In bul velah tui luankawr ṭha lo emaw, bawlhhlawhin a hnawh emaw a awm ngaihthah loh tur.
5. In chhung tukverh leh kawngkhâr nget lote siam ṭhat tur.
6. In bula thingṭang ro tla mai theite tnenfai a, thli tlehin a chhèm lên theih ang chite nghet taka ṭàwn tur.
7. In ṭha lo leh chak tâwk lo a awm a nih chuan Village Level Disaster Management Committee (VLDMC) kal­tlangin District Disaster Management Authority (DDMA)-ah thlen tur.
8. Awmna hmun leh chhehvelah thlipui thleng mai tur thupuan hriat pawhin, chî-âi mai lo a, tih tur ṭul puan dan anga chêt lak tur.
9. Thli tleh laiin kawngkhar leh tukverhte ṭha takin kalh a, darthlalang keh them léng darh tur dan nan parda ṭha taka zàr a ṭha.
10. Thimthama hman tur lalṭín, torchlight, etc. neih a ṭha.
11. Lirthei khalh mek tan thing leh electric ban tlu mai thei a awm leh awm loh uluk taka en thlithlai tur.

Tih loh turte
1. Titi léngvâk mai maiah innghat lo a, sorkar/DDMA/VLDMC/VC/YMA thuchhuak ngaichân tur.
2. Thu belchian dâwl lo chu sawi chhâwn loh tur.
3. Thlipui thleh laiin electric switch-te off tur.
4. Leikhi leh hmun him loa in sak ai chuan sak loh ngam a finthlak.
5. Electrict hrui chat leh tlate hnaih loh tur.
6. Electric ban leh hrui tibuai thei tur a bul hnaiah thlai/thei leh thing zuah loh a ṭha.
7. Fûr laiin leimin mai theihna hmunah in hmun laih loh tur.