NTPC-in Lawngtlai police-te zirtir

National Tobacco Control Programme (NTCP) hnuaia thawkte chuan nimin khan Lawngtlai SP Conference Hall-ah Lawngtlaia police-te pualin vaihlo aṭanga thil siam chhuah chi hrang hrang ṭhat lohzia leh mipat hmeichhiat­na hman dik loh aṭanga hri ṭha lo kai theih chungchang zirhona an buatsaih.

Zirhona hi Lawngtlai SP Lalsang­lura'n a kaihruai a; NTCP hnuaia social worker Lalnunthari'n COTPA Act 2003 sawifiahin, vaihlo leh vaihlo aṭanga siam thil dangte ṭhat lohzia te, meizûk phal lohna hmuna mei zute hrem theih dante a sawi.

Sexually Transmitted Infection (STI) counsellor Darbuangpuii'n mipat hmeichhiatna hman dik loh aṭanga HIV/AIDS leh hri ṭha lo dang kai theih dante leh chumi laka inven dante a sawi bawk.