Sangha chaw siamna mimal kutah dah dawn

Fisheries minister K Lalrinliana hoin nimin khan a pisaah Fisheries department-in sangha chaw siamna (fish feed mill) Mizoram hmun hrang hranga a bunte mimal leh páwl enkawl tura hlan chungchang an sawiho.

Fisheries Minister chuan, Mizoramah sangha khawitu an pun zel avangin sangha chaw mamawhna a sang zel tih a sawi a, "Fish feed mill aṭangte hian kan ram ngeiah sangha chaw  ṭha tak hralh tur kan neih reng bakah, ran chaw dang - ar chaw, vawk chawte kan mamawh zat siam chhuah a nih ngei theihna turin a mawhphurtute chu theih­tawp chhuaha ṭan la turin ka beisei a ni," a ti.

Sangha chaw siamna hmun hi Aizawl, Kolasib, Bilkhawthlir, Champhai leh Saitualahte a awm a; chu'ngte chu a enkawltu tur (mimal/pawl)-te nen inremna siamin, a hma thei ang bera hlan tum a ni.