Mi 12,115 rawn haw tawh
Covid-19 Task Group on Migrant Workers & Stranded Travellers chhinchhiah danin, inkhàrkhip vanga state páwna tangkhang Mizorama rawn haw tawh zat chu mi 12,115 an ni.
Task Group hnena Mizorama haw tura inhriattir zawng zawng chu mi 14,401 an ni a; mi 12,115 an rawn haw tawh laiin, la haw tur chhinchhiah zat chu mi 2,286 an ni. Haw tawh zinga mi 11,299 chu quarantine centre aṭangin an chhuak tawh a, mi 816 an la inkhung meka chhinchhiah a ni.