Kolasib dist-ah thliin in 18 a tichhia

April 25, Thawhlehni chhuna thlipui tlehin Kolasib district-ah chenna in eng emaw zat a tichhia.

Thli tlehin a tihchhiatte chu - Rengtekawnah in 13, Kolasib Saidan-ah in pali leh Kolasib Tuiṭha Vengah in pakhatte a ni.

Kolasib DC pisaa DMR-a thawkte'n an enfiah a, in chhiate chu nimin khan hnatlangin a theih ang anga sak ṭhat a ni. Hnatlangte chu YMA Sub-Hqrs., Kolasib hruaitute'n tlawhin, ei leh in senso atan Rs. 1,000 an pe.

Rengtekawna in sa ṭhaa hnatlangte chu bialtu MLA K Lalrinthanga'n tlawhin, ei leh in senso atan Rs. 6,000 a pe a, in chung tur rangva ngaihtuahsak a tum thu a hrilh.