Aizawl West College endik

National Assessment and Accreditation Council (NAAC) inspection team chuan, April 25-26 khan a ṭum thumna (third circle) atan Aizawl West College an endik.

NAAC inspection team hi an chairman Dr Smritikumar Sarkar-in a ho a; Aizawl West College chu kawng hrang hranga an endik bakah, zirlai pawl, zirlai nu leh pa leh college aṭanga zir chhuak tawhte an kâwm a ni.

April 25 khan NAAC team-te lawmna hun hi Aizawl West College chuan an buatsaih a, Higher & Technical Education commissioner Benjamina'n a hmanpui a ni.

Aizawl West College hi kum 1990-a din a ni a, tun dinhmunah hian zirtirtu nghet 34 leh nghet lo pathum, non-teaching staff 14 leh zirlai 941 an awm mek.

NAAC accreditation hi India rama college 41,000 chuang zingah college 2,400 velin an nei tawh nia thu dawn a ni.