NAAC leh NIRF atan inbuatsaih

Mizoram University chuan nimin khan NAAC leh NIRF Assessment tihna tura inbuatsaihna hun an hmang a, accreditation neih leh huna inphuahchahna hrang hrang an kalpui tur leh kalhmang turte tár chhuakin an zirho.

MZU vice chancellor Prof. Lian­zela'n a kaihruai a, NAAC accreditation chungchang Prof. Lalnundanga'n sawiin, NIRF chungchang Prof. Diwakar Tiwari-in a sawi thung.

MZU hian kum 2014 khan NAAC accreditation Grade-A a lo hmu tawh a, kum 2019-ah accreditation pek thar leh tur niin, chuta tan chuan NAAC peer team-in an endik dawn a ni. National Institutional Ranking Framework (NIRF) chu India rama university leh zirna-in hrang hrang ranking pekna a ni a, MZU hi India rama university 3,000 chuang zingah 94-na a ni mek.