Hunthar Venga Baptist biak-in ṭhiat

Hunthar Veng, Aizawl­a NH-54 kawngpui chhaka lei tlahniam zel avangin nimin khan Baptist Kohhran biak-in, nikum aṭanga an rauhsan tawh chu ṭhiah a ni.

Hunthar Veng khaw­tlang hruaitute sawi dan­in, lei khi a zual zel loh nan a khîkna china awm Baptist biak-in chu khawtlang hnatlanga ṭhiah a ni a, District Disaster Response Force mite'n an pui a ni. CS Lalrinzual­a in, chhungkaw pathum luah pawh Thawhṭanni leh Thawhlehni khan ṭhiah a ni tawh bawk.

Hetih lai hian, Aizawl DC pisaa Hazard Safety Cell-a mithiamte chuan nimin khan Pathiannia chim ta Lalrinawmi in chhak chiaha awm, B Sairengpuii in an enfiah.

Tun hnaia lei a chet thar leh avang hian Lalrinawmi in a chim tawh bakah, chhungkaw 25 chu an in luah zui ngam loin an lo inthiar tawh a; nikum khan chhungkaw 45 an insaseng a, in pasarih ṭhiah a ni.