Florists' Association-in khawmpui hmang

Mizoram Florists' Association chuan, nimin khan Horticulture conference hall-ah General Assembly an hmang a, Finance minister Lalsawta'n a hmanpui.

Lalsawta chuan, pangpar chíngtute leh kut hnathawktute dangte'n an thar chhuah an pho lanna tur hmun ṭha siam sorkar­in a ngai pawimawh tih a sawi a, "Hetiang atana hman theih tur Agriculture Growth Centre buaipui mek a ni. Pangpar khawitute'n kum tam tak thâ thlah loa pangpar chìn leh enkawl an buaipui tlat avangin an zingah ram danga thawn chhuak thei hial an awm tawh a ni," a ti.

Lalsawta hian Mizoram Florists' Association-te lehkhabu buatsaih 'Pangpar chingtute ṭhian' tih a tlangzarh nghal a ni.

Mizoram Florists' As­sociation inkhawmpui hi an president Lal­nun­tluangi'n a kaihruai a, general secretary Lian­sangpuii'n an pawl hma­laknate a tarlang.