GST portal zirhona buatsaih

Taxation department chuan April 25, 2017 aṭang khan IPR conference hall-ah Goods & Services Tax (GST) enkawlna atana hman tur, GST portal chungchang zirhona, ni riat chhung awh tur an buatsaih ṭan.

Training hawngtu Taxation secretary Dr C Vanlalramsanga chuan, GST chu July 1, 2017 aṭangin India ram pumah hman ṭan a nih tur thu a sawi a, "He dan thar hnuaiah hian internet leh computer tel lo chuan sumdawn a har tawh dawn a ni," a ti.

Training hi thawh li-a neih a ni dawn a, Mizoram hmun hrang hranga Taxation officer mi 74-te chu GST portal master trainer pangate'n an zirtir ang a, anni'n sumdawng leh mi dangte an zirtir leh chhawng dawn a ni.