Leiminin kawng hnawh

Thawhlehni zan khan Lunglei Hrangchalkawn piaha Khamharah lung lian tak tak a tla a, Lunglei-Lawngtlai kawng NH-54 a hnawh ping. Lung tlate chu PWD-in an thianfai nghal a, nimin zing dar 9 vel khan motor tê chi kal theiha siam tlang niin, chawhnu dar 1:00 velah lirthei lian kal theiha siam tlang a ni.

Nimin zing dar 3:30 vel khan Bawngkawn-Lunglei road, NH-54 pawh kawng chhaka leiminin a hnawh ping a, nimin vek zing dar 6 velah lirthei kal theiha siam tlang a ni. Lei a min avang hian kawngpui chhaka Bawngkawn East Presbyterian Kohhran biak-in bul chu a min a hlauhawm nia thu dawn a ni.