Doctor-te'n badge dum an bel

Indian Medical Association (IMA) chuan nimin khan India ram pumah Black Day an hmang a, an hnathawhna hmunah badge dum an bel. He lungawi loh lantirna hi Mizoramah pawh hman ve a ni a, IMA Mizoram State Branch member-te'n an hnathawhnaah badge dum an bel a ni.

IMA Mizoram Branch thuchhuah tarlan danin, Black Day an hman chhan hi - West Bengal sorkarin Clinical Establish­ment (Registration, Regulation and Transpa­rency) Bill, 2017 a pass vang a ni. Bill hian medical lama thawktute tan harsatna tam tak a thlen thei dawn niin an tarlang.

IMA chuan Clinical Establishment (Registration, Regulation and Transparency) Bill, 2017 an pass tawh chu sût turin West Bengal sorkar an ngen a ni.