Zirlaibu thar chungchang inzirtir
SCERT chuan April 26-27, 2017 chhung khan Thenzawla Vantawng Group YMA Rûnah, Thenzawl SDEO huam chhunga elementary school zirtirtute tan zirlaibu thar chungchang inhrilhfiahna hun 'Sensitization programme on new textbook' an buatsaih.
Zirlaibu thar chungchang inhrilhfiahna hunah hian SCERT joint director Zothanmawii'n thuchah a sawi a; Nilaini khan Mathematics leh Science zirtirtute hnenah thil pawimawhte an hrilhfiah a, nimin khan EVS, Social Sience leh language (English leh Mizo) zirtirtute an hrilhfiah leh bawk. SCERT aṭangin Science consultant F Lalliansanga leh lecturer H Lalhruaitluanga ten thil pawimawhte an zirtir a ni.
Academic session 2017-18 aṭangin Mizoramah pawl 6, 7 leh 8-ahte Mathematics, Science, EVS, Social Science, English leh Mizo subject-ah zirlaibu thar hman a ni a; SCERT chuan hmun hrang hrangah zirlaibu thar kalphung inhrilhhriatna leh thil pawimawh zirhona hun a buatsaih mek a ni.