Thupek keng -kawh turin sorkar ngen

MPC party ṭhalai chuan thuchhuah siamin, May 4, 2017-a Mara Autonomous District Council (MADC) inthlan neih turah felfai leh thianghlim taka inthlan a nih theih nana chak zawka dan leh thupek kengkawh turin Mizoram sorkar an ngen.

MPCY chuan, MADC inthlan turah hian political party-te hmalak dan leh campaign dan chu a him tâwk lo hlea an ngaih thu sawiin, "State Election Commission-in Model Code of Conduct 2015 a siam chu political party ṭhenkhat leh candidate ṭhenkhatte'n an palzût nia lang hi a rang thei ang bera finfiah tur leh Model Code of Conduct bawhchhetute chungah action la ngei turin sorkar kan ngen a ni," an ti.

MPCY chuan, Mizoram People’s Forum (MPF) leh poli-tical party-te'n inthlanna ṭha leh dik neih a nih theih nana inremna thuthlung an siam chu political party leh candidate zingah bawhchhia a, vote zawn nana therhlo leh sum chelek an awm ngei niin an tarlang a; chutiang tite chu dapchhuak a, thuthlung bawhchhetute lakah action lak ni se an duh thu an sawi bawk.