MADC Presiding officer-te training neihpui

May 4, 2017-a Mara Autonomous District Council (MADC) inthlan­pui awm tura presi­ding officer leh polling officer-te chu, nimin khan New Siahaa MYA Multipurpose Hall-ah training neihpui an ni a, vawiinah chhun­zawm a ni ang.

Training-ah hian Siaha DC leh district election officer Harleen Kaur chuan, MADC inthlana presiding offi­cer leh polling officer turte chu inthlan pawi­mawhzia hria a, an hna ṭha taka hlen chhuah tum tur leh tihsual nei lo tura fimkhur turin a chah.

MADC general elec­­tion neih tura pol­ling officer turte chu Siaha additional DC H Do­lian­buaia, DRDA project director R Lal­rem­sanga, Siaha SDO(S) Lal­nunmawii leh district level master trainer H Ram­hluna ten thil pawi­mawhte an hrilh a; MADC chhunga polling sta­tion tina polling offi­cial-te an tel ṭha hle a ni.