Inngaihdam theihna dan zirho

Mizoram State Legal Services Authority (MSLSA) leh Aizawl District Legal Services Authority (ADLSA) ṭangkawp chuan, nimin khan Aijal Club-ah dan hnuaia inngaihdam theih dan, 'Plea Bargaining' zirhona an buatsaih.

Zirhonaah hian Assam Judicial System director Justice AC Udpaddhyay chuan, plea bargaining chungchanga hriat tur pawimawhte a sawi a; Mizoram BAR Association president C Lalramzauva leh advocate Joseph Lalchhanhima Renthlei-te pawhin thu an sawi.

Sorkar thuchhuah tarlan danin, plea bargaining hi India ramah hmelhriatna a la rei lo a, Law Commission-in kum 1991-a zirchianna a neihna êng aṭanga a tahtawla hman theih tura siam a ni.

He dan hnuaiah hian thil sual tituin a thiam lohnate a pawm a, a inpuan hnuah a khingtu hnenah ngaihdam emaw, hremna tihnêpsak emaw a dil thei. Thil sual tih zawng zawngah plea bargaining hi a hman theih a ni lo a, hman theih lohnate chu danin a siam vek a ni.