Kawlphetha awm dawn lo
Vawiin Inrinni hian zing dar 9 aṭanga tlai dar 3 thlengin 132kV sub-station (old) aṭanga 33kV lower sub-station pekna tur hrui pawh ṭhat a ni dawn a, 33kV lower sub-station-a 33kV transformer panel siam ṭhat a ni dawn bawk. Hei vang hian kawlphetha tihtawp rih a ni dawn tih Power & Electricity department chuan an tarlang.
Power supply tihtawp a nih dawn avang hian Muthi, Zuangtui, Muanna Veng, BSUP Leitan, Ṭhuampui, Edenthar Veng, Bawngkawn thlanmual, Bawngkawn Hmarveng, Brigade area, Chaltlang Dingdi Veng, Bawngkawn-Durtlang Road (Shalom Veng), Ramthar Veng, Ramhlun Sport Complex, Ramhlun South, Ramhlun North, Ramthar Tlangveng, Zemabawk North, Falkland Veng, Berawlui leh Tuirial ten kawlphetha an hmu thei lo ang.