NFBS dawng tur mi 30 thlang

Chhungkuaa eizawngtu ber thite sorkarin a chhawmdawlna, National Family Benefits Scheme 2021-22 dawng turin Serchhip district-ah mi 30 thlan an ni a, an bank account-ah Rs 20,000 ṭheuh thun a ni dawn. Nimin khan Serchhip DC meeting hall-ah Family Benefits Scheme 2021-22 hnuaia hamṭhatna dawng tur thlangin thuneitute an ṭhukhawm a, bawrhsap mawhphurhna la mektu Lalmuansanga Ralte, additional DC-in a kaihruai. Bialtu MLA Lalduhoma bakah, DLAO, DRDA, ICDS, YMA Sub-Hqrs leh MHIP Sub-Hqrs aiawhte an tel a ni.