Health dept. sum hman dan audit team-in a la endik zo lo

Accounts and Treasuries hnuaia Special Audit Team chuan Health & Family Welfare department-in Covid-19 dona atana sum an hman dan an endik chu an la zo lo.

Accounts & Treasuries hotute hnen aṭanga Vanglaini thu dawn danin, Health & Family Welfare department-in Covid-19 dona atana sum an hman dan chu endik tur a tam avangin an zawh theih hun tur hriat a ni lo. Endik hna zawh a nih hnuah rawtna an neihte nen sorkarah an thehlut dawn a, sorkarin ṭul a tih angin hma a la chhunzawm ang.

Tarlan tawh angin, Finance department chuan Covid-19 dona atana Health & Family Welfare department sum hman dan endik turin June 8, 2020 khan Chief Controller of Accounts a hriattir a; chumi ang chuan Accounts & Treasuries hnuaia Special Audit Team-in June 18 khan endik hna an ṭan a ni.