UNDP-in NEDP-ah thawhho duh

United Nations Orga­nization (UNO) hnuaia péng pakhat, United Nations Development Programme (UNDP)-a India rama palai, Jaco Cilliers chuan April 26, 2017 khan chief minister Lal Thanhawla lehkha a thawn a; UNDP-in Mizo­ram sorkar chu NEDP hmangin hna thawhpui an duh thu a hrilh.

Sorkar thuchhuah chuan, Jaco Colliers hian UN Joint Mission hna­thawhin Mizoramah rah ṭha a chhuah mekna leh chumi kaltlanga mipuiin UN agency-te an chhawr ṭangkai mek chu lawmawm a tih thu a tarlang a, "NEDP hian hmasawnna leh ṭhanna tur hrang hrang a huam zau avangin ‘comprehensive growth strategy’ a ni tih UNDP-in a pawm a. Changtlung, ṭha leh daihzai zawka thil awm sa leh neih sa hman ṭangkaina kawng hrang hrangah UNDP chu Mizoram sorkar thawhpui turin a phûr hle a ni," a ti.