MNF-in FIR bawhzui
MNF general headquarters-a Vigilance department hotute chuan, nimin khan Anti Corruption Bureau (ACB) director LH Shanliana chu a pisaah an kâwm a; Mara Autonomous District Council (MADC) sum vbc. 33 vel tihchingpen nia an hriat vanga nikuma ACB-a FIR an thehluh tawh bawhzui dan an zawt.
LH Shanliana chuan, MNF-te'n FIR an thehluh chu ACB-in an bawhzui a, preliminary investigation tih mek a nih thu leh, thubuai pakhat an zawhfel tawh thu a lo hrilh a; thubuai ziah luh chu 20 lai a nih avangin thubuai pakhatah pawh mi 1,615 lai thu zawhfiahte an awm tih sawiin, preliminary investigation chu kumin chhunga zawh hman an inbeisei thu a sawi.