MZU VIBRIO ṭan a ni

Mizoram University festival, VIBRIO tih chu nimin khan ṭan a ni a, MZU vice chancellor Prof. Lianzela'n MZU Multipurpose Hall-ah a hawng.

MZU Vice Chancellor chuan, zirlaite chu tunlai thiamna leh hmasawnna ṭhang zel mila an nun hman thiam tum turin a fuih a, "Khawvel hi a chak leh thiam berte dinchhuahna a nih avang­in kan thil tih apiangah a ber nih tum a, taima tak leh chhel taka ṭan lak zel a pawimawh," a ti.

Prof. Lianzela chuan, taima tak leh rim taka thawh chhuah chu a hlutna hriatthiam a awl bik tih a sawi a; zirlaite chu zu leh sa leh ruih theih thil laka inthiarfihlim turin a chah bawk.

VIBRIO hi MZU zirlaite intihhlimna pui ber pakhat a ni a; intihhlimna chi hrang hrang, infiamna chi hrang hrang leh zirlaite hlâwkpui theih tur leh an theihna pho chhuahnate buatsaih a ni ang.