MPC-in chhiat tawkte inbenbelna ngaihtuah vat turin sorkar an phût

MPC party chuan thuchhuah siam­in, tun hnaia Hunthar Venga lei tla­hniam vanga chhungkaw 18-in an in an rauhsan chu pawi an tih thu leh an lainat thu an tarlang a; vanduaina tawkte chu chak zawka chhawmdawlna leh an inbenbelna tur ngaihtuahsak turin sorkarin an phût.

NH-54 kawngpui, Hunthar Venga tlahniam ṭhin chu kum 1993-ah awm ṭan tawh a ni tih sawiin MPC chuan, "Congress leh MNF party-te'n sorkarna an chelh chhungin mutmawh hnàrmawha an neih loh vanga chhungkaw 200 laiin an in leh lo an chàn phah hi khua leh tuite harsatna sutkian tuma veina tak tak an neih loh vangah kan ngai," an ti.

MPC party chuan, Hunthar Venga lei tlakhniam ṭhin vanga in leh lo chán tawh chhungkaw 200 chuang chu chhawmdawlna leh an inbenbelna tur chak zawka ngaihtuah a, hma la vat turin Mizoram sorkar an phût a ni.