NEDP review meeting nei

Nimin khan Secretariat Conference Hall-ah chief secretary Lalmalsawma hoin Mizoram sorkara department 49 enkawltu commissioner, secretary leh head of department-te an ṭhukhawm a, NEDP review meeting an nei.

Meeting-ah hian kum 2017-18 chhunga an department ṭheuh hmalak dan tur duante an sawifiah a, kum 2016-17 chhunga NEDP hnuaia hma an lo lak tawhte an tarlang bawk.

Chief Secretary chuan, sorkar department hrang hrangte'n inpawh tawn taka rua­hmanna an siam­te in­hriatpui tlân a pawimawh thu sawiin, "Hei hian thawhhona ṭha zawk leh inhriatthiam tawnna a thlen bakah, a ṭul hun leh hmuna inpuihtawnna boruak siam nan kokim taka ṭhutkhawmna hi buatsaih a ni," a ti.

Meeting-ah hian sorkar officer tel tur, Aizawla awmte chu an tel kim a ni.