Election Observer-in candidate-te a kâwm

Mara Autonomous District Council (MADC) inthlan tura election observer J Hmingthanmawia (MCS) chuan nimin khan Siaha DC pisa conference hall-ah inthlana candidate-te a kâwm a; in­thlanna thianghlim leh felfai neih dan tur a sawipui.

Inkawmhonaah hian candidate-te chuan Election Observer chu Model Code of Conduct leh sum hman chung­changte leh an thil hriat chian duh leh hriatthiam lohte an zâwt a, Observer chuan zawhnate chu a hrilhfiah a ni.

MADC sorkar 11-na dinna tura in­thlan turah hian election observer pahnih ruat a ni a, J Hmingthanmawia bakah, Mizoram sorkara additional secretary Zoramthangi Hauhnar-te ruat a ni. J Hmingthanmawia hian MDC bial 14 a vil a, Zoramthangi chuan bial 11 a vil thung.