Mizoramah Doctors' Day hman a ni

Nimin July 1 kha India ramah Doctors' Day a ni a, Mizoram hmun hrang hrangah hman niin, Day pualin doctor 40 chuangin thisen an pe.

Aizawlah chuan Doctors' Day pualin Indian Medical Association (IMA), Mizoram State Branch huaihawtin zing karah walkathon (kea kal) huaihawt a ni a, doctor 102 an tel. Walkathon hi hriselna an ngaih pawimawhzia lantirna atana an tih a ni.

Chawhmaah Civil Hospital Aizawl leh district hospital hrang hrang bakah, Synod Hospital leh State Referral Hospital-ahte blood donation camp an huaihawt a, IMA member mi 40 chuangin thisen an pe.

Chawhnuah Aijal Club-ah General Body Meeting an nei a, AB-PMJAY hnuaia doctor thawk ṭha zualte leh Covid-19 chungchanga hma la ṭha zualte hnenah chawimawina hlan an ni a, scientific seminar an buatsaih bawk.