Mizoram police-in heroin an man

Mizoram police CID (Crime) hnuaia Special Narcotics Police Station team chuan June 30, Ningani khan Chanmari, Aizawlah Zohlimpuii (21) w/o Lalzuiliana, Khawmawi, Myanmar hnen aṭangin heroin gram 126.990 an man a, tualchhungah cheng nuai 2.5 (international market-a cheng nuai 64) man a ni.

Special Narcotics PS team hian June 29, 2022 pawh khan Lalnunpuii (38) w/o ZD Lalhlimpuia, Dinthar, Aizawl leh Lalnunmawii (40) w/o Zosangliana, Rangvamual Mel-4 hnen aṭangin heroin gram 12.160 an man bawk a; tualchhungah Rs 25,000 (international market-a cheng nuai 6.08) hû a ni.

Zokhawthar police pawhin June 29, 2022 khan Lalchhanhima (30) s/o Tawkneihsanga, Zokhawthar hnen aṭangin heroin gram 38, cheng nuai 19 man hu leh, June 30, Ningani khan 8th Assam Rifles nen ṭang dunin Zokhawthar dáiah B Zaithangpuia (29) s/o B Lalkianlova, Serchhip P&E Veng hnen aṭangin heroin gram 26, international market-a cheng nuai 13 hû an man bawk.