Police-in meth leh heroin an man

Champhai police-te chuan July 2, Inrinni khan Champhai aṭanga Silchar pan Ritz car aṭangin heroin gram 388 an man a, lirthei neitu leh khalhtu Faruk Ahmed (28), Lakshmipur, Karimganj, Assam an man nghal. Heroin hi international market-ah cheng nuai 194 hû a ni.

Mizoram police CID (Crime) hnuaia Special Narcotics PS team pawhin July 1, Zirtawpni khan Ramthar Veng, Aizawlah Lalbiakmawii (34) d/o Liansanga, Ramthar Veng, Aizawl leh Lalchhanhima (45) s/o Lakhama (L), Farkawn hnen aṭangin methamphetamine kg. khat an man.

Meth an man hi inter­national market-ah Rs 20,00,000 hû a ni.