MADC Dy CM-in NEC hotute a kâwm

Mara Autonomous District Council (MADC) deputy chief executive member HC Lalmalsawma Zasai chuan July 2, 2022 khan North Eastern Council (NEC) secretary pahnih Moses Chala leh L Beimotha te Shillong-a an pisaah a kâwm a, NEC-in hnam hnufual tana project leh scheme a neih dan leh hmuh dan kalhmangte a sawipui.

HC Lalmalsawma Zasai hian agriculture , forest, sport leh LAD lama hmalakna tur te, education lamah infrastructure siam lama puih an ngaihnate NEC hotute hnenah a thlen a ni.

NEC hotute chuan, NEC aṭangin Lobo aṭanga Tluangram pawh tur kawngpui te, Tipa RD block huam chhungah cheng nuai 500 man Siaha DC kaltlanga ruahman a nih thu te, Mara hmeichhiate'n puantah lamah hma an sawnna turte leh tourism tihhmasawna atana Mawma tlanga project kalpui mek leh kalpui an tum dante an lo hrilh.