Swab sample endik zo dawn hnai

SRH-ZMC Covid-19 Bulletin chuan, ZMC Labo­ratory-a endik tura swab sample dawn tawhte chu endik tura sâwngbàwl (process) vek a nih tawh thu leh, nimin thlenga result la hriat loh chu 59 chiah a awm tawh thu an tarlang.

Covid-19 Bul­letin tarlan danin, June 25, Ningani tlai dar 6 thleng­a ZMC-in swab sample a dawn tawhte chu sàwngbàwl vek tawh a ni a, chu'ng zinga 59 chu nimin zinga result tihchhuahah a tel hman lo a, vawiin zinga result chhuakah a tel ang. June 25 bikah, tlai dar 6 hnuah sample 16 an dawn belh a, chu'ngte nen chuan sample dawn tawh, nimin thlenga result la hriat loh chu 75 chiah a ni.

Ningania swab sample endik zawh hman leh result tihchhuah tawh 1,054-te chu mipa 610 leh hmeichhia 444 an ni a; district hrang hrang aṭanga an endik zat chu - Aizawl 924 (mipa 564, hmeichhia 360), Lunglei pakua (mipa 6, hmeichhia 3), Champhai 21 (mipa 14, hmei­chhia 7), Kolasib 56 (mipa 3, hmeichhia 53), Serchhip pahnih (mipa 1, hmeichhia 1), Mamit 20 (mipa 10, hmeichhia 10), Khawzawl pariat (mipa 4, hmeichhia 4) leh Saitual 13 (mipa 7, hmei­chhia 6) an ni. West Bengal mi pakhat a tel bawk.