Covid-19 dan bawhchhia Mi 12,758 man an ni tawh
Police leh hmun hrang hranga task force-te chuan The Mizoram (Containment and Prevention of Covid-19) Ordinance, 2020 bawhchhia mi 12,758 an man tawh a, an pawisa chawi tlingkhawm chu Rs. 27,86,700 a ni.
May 5, 2020 aṭanga hman ṭan Mizoram (Containment and Prevention of Covid-19) Ordinance, 2020 bawhchhia man tawhte zinga mi 11,225 chu police man niin, pawisa an chawitir tlingkhawm chu Rs. 25,77,600 a ni a; task force-te'n mi 1,533 man tawhin, pawisa an chawitir zat chu Rs. 2,09,100 a tling.
Covid-19 Ordinance hmang hian police leh task force-te'n vantlang hmuna hmai tuam lo te, social distancing zâwm lo te, phalna nei loa Mizorama lut leh chhuak te, quarantine centre aṭanga chhuak ru te, qurantine centre-a awm laia fimkhurna tura duan zâwm lote leh Covid-19 a darh lohna tura ruahmanna zâwm lote an manin pawisa an chawitir thei a ni.