Kohhran serh leh sâng atan Wine hralh phal a ni lo - END

Excise & Narcotics department (END) chuan, Mizoram Liqour Prohibition (MLP) danah kohhran serh leh sâng atan wine siam leh hralh phal a nih loh thu a tarlan rualin, sakramen atana hman wine-te chu en zui tumna a awm loh thu an tarlang.

RTI Act hmanga wine siam chungchanga sorkar thuneitute hriatthiamnain a huam chin zawhna chhangin END chuan, "Sorkarin hriatthiamna lehkha tu mah a pe lo. Mizoramah wine siam turin hriatthiamna tu hnenah mah sorkarin a pe rih lo. Dan kalha che hriat an nih chuan dan ding lai tlawhchhanin mansak an ni ang," an ti.

END chuan, sorkar hriat­thiamnaa wine siam mek an hriatpui leh hriatpui loh zawhna chu, grape wine siamsak leh siam mek a awm tih hriat a nih loh thuin an chháng.

Hetih lai hian, mi dangin RTI Act hmanga an zawhna chhangin END chuan, "Mizorama kohhran ṭhenkhatin sakramen atana wine an hmante chu tun dinhmunah en zui tumna a awm lo," an ti bawk.