Entrepreneurship lamah Mizoram a che ṭha

Entrepreneurship lama India rama state-te dinhmun leh hma­sawnna tehna States Start up Ranking 2021-ah Mizoram chu entrepreneurship lama hmasawnna nei ṭha state, Emerging Start up Ecosystem-ah thlan a ni.

Ministry of Commerce (DPIIT) chuan nimin khan New Delhi-a Ashoka Hotel-ah States Start up Ranking 2021 puangin a sem a; Commerce minister Piyush Goyal chuan Mizoram aiawha kal Planning principal adviser leh additional secretary Dr Lalrinchhana hnenah certificate of appreciation a hlàn a ni.

Emerging Start up Ecosystem-ah hian Andra Pradesh, Bihar leh Ladakh ten certificate of appre­ciation an dawng bawk.