Kawng siama duhthusam lo laite Siamṭha turin Speaker-in a hrilh

Assembly speaker Lalrinliana Sailo chuan July 2, Inrinni khan National Highways and Infrastructure Development Corporation Limited (NHIDCL) hnuaia Lawngtlai leh Thingfál inkara national highway kawngpui zau hna thawh mek a enfiah a; duhthusam lo laite chu a rang lama siamṭha turin NHIDCL Project Manager a hrilh.

Lalrinliana Sailo chuan, NH kawngpui zauh hna thawh mek chu Mizoram mai bakah, India ram tan pawha kawngpui ṭangkai a nih dawn avangin a ṭha thei ang bera thawh a pawimawh thu a sawi a; hna thawktute chu neitu rilru pua ṭhahnemngai taka thawk turin a chah a ni.

Speaker chuan, kawng kual leh âwih dan te, tui luankawr ruahman dan leh hna hrang hrangah a bulṭhut aṭanga uluk taka thawh a pawimawh thu a sawi a; kawng thlang lama lungrem ṭhenkhat duhthusam lo lai leh kawngpui khi awmte leh hna thawh ṭha tâwk loa a hriat laite hna viltute hnenah a hrilh bawk.

Assembly Speaker hi Lai Autonomous District Council-a executive member C Hrangṭhianga'n a ṭawiawm a ni.