Covid-19 vei dam tawhte thlah

Lawngtlai district-a Covid-19 vei dam tawh mi pariatte chu nimin khan an awmna Co­vid Care Centre (CCC) aṭangin chhuahtir an ni a, District Hospital-a medical superintendent Dr Zothanpari Chhakchhuak hoin medical team-te'n an thlah.

Covid-19 vei dam tate chhuak tur hi an chhung­te leh medical team-te'n kut bénga lawmin an thlah a; CCC-a anmahni enkawltu Dr Elsadai B Lalbersiama'n discharge certificate a hlan a, Dr Zothanpari Chhak­chhuak-in dam chhuakte leh an chhungte hriat tur pawimawhte a hrilhfiah.

Lawngtlai CCC aṭanga chhuakte hi mipa puitling panga, hmeichhe puitling pahnih leh mipa naupang pakhat an ni a; ni sarih chhung chu an in lama inkhung rih tura tih an ni. Heti hian Lawngtlai district-ah Covid-19 vei an awm tawh lo.