Central scheme-te sorkar laiin party hamṭhatna atan an hmang - BJP President

July 2-3, 2022 khan Hyderabad-ah BJP National Executive Meeting neih a ni a; BJP, Mizoram Pradesh president Vanlalhmuaka chuan sorkar laipui scheme-te Mizorama sorkar lai party-in an party hamṭhatna atan an hman ṭhin thu leh a nih tur anga kalpui a nih loh thu a sawi.

BJP National president JP Nadda kaihhruai ṭhutkhawmah hian Vanlalhmuaka chuan, sorkar laipui scheme hrang hrang - PMAY, Free Gas Connection, Healthcare Scheme, Kisan Nidhi leh thil dangte Mizoram sorkarin an kalpui a sawi a; state ruling party-in an party hamṭhatna atana an hman ṭhin thu a sawi a ni. Mizorama NH kawngpui siam dan te, rél kawng siamte leh PMGSY kalpui dante a sawi bawk.

Vanlalhmuaka chuan MADC inthlan chungchang report pe nghalin, MNF leh Congress an thawh dun dan te, MNF leh Congress-ten BJP an beihrawn dante leh a hnua sorkarna an siam dante an tarlang.

Mizoram BJP thuchhuah tarlan danin, MADC election-a Mizoram BJP-te chet dan chu lawmawm a ti hle a, single largest party BJP-in an la thei chu fakin, kum 2023 MLA ah chuan Mizoramah BJP sorkar tir ngei tura hmalak a nih tur thu JP Nadda chuan a sawi.