FLAM leh PC hruaitute inkâwm

Former Legislators Association of Mizoram (FLAM) hruaitute leh Peoples' Conference party hruaitute chu nimin khan PC party pisaah an inkâwm.

FLAM hruaitute chuan, Mizoramah inthlanna thianghlim leh ṭha a awm theihna turin hmalakna an kalpui mek thu leh political party, kohhran leh tlawmngai páwlte nen huam zau zawka thawhho a ṭul thu an sawi.

PC party hruaitute chuan, FLAM hmalakna chu ṭha an ti a, an thlàwp thu leh rawtna leh ruahmanna ṭha zawk an siamte pawmpui an inhuam thu an sawi bawk.

Inkawmnaah hian FLAM aṭangin vice president Dr JV Hluna leh hruaitu dang - John Rotluangliana, Rochunga Ralte, TC Pachhunga leh K Liantlinga te an tel a; PC party aṭangin senior vice president Vanlalruata leh hruaitu dangte an tel a ni.