HM-in MZU dinhmun chhuanawm a ti

Home minister R Lalzirliana chuan, Mizoram University (MZU)-a zirtirtute leh zirlaite thawhrimna zarah MZU-in hlawhtlinna a chang chho mek zel tih sawiin, India ram pum huapa university ṭha tarlan zingah dinhmun sang tak a nei chu chhuanawm a tih thu a sawi.

Minister R Lalzirliana hian April 28, 2017-a MZU Vibrio khârna hun, MZU Auditorium-a a hmanpuinaah thu sawiin, sorkar hmalakna hrang hranga thil zir bing ngai leh ngaihtuahna sên ngai chi-ah MZU-a mithiamte'n sorkar an

ṭawiawm ṭhin chu lawm­­awm a tih thu a sawi. Lehkha zir mai bak­ah, intihhlimna leh inkawm­hona hun ṭha taka kalpui zel tura zirlaite chahin, "Lehkhabu aṭanga hmuh theih mai loh thiamna leh hmasawnna thlentu pawimawh tak a ni," a ti.

R Lalzirliana chuan, khawvel huapa Mizoram leh Mizote'n hriat an hlawh zel theih nan MZU zirlaite'n hma an hruai a ṭul tih a sawi a; zir sânna leh educational qualification-te chapopui lo a, ram leh hnam tana mi ṭangkai leh hmasawnna thlentu nih tum turin zirlaite a fuih.

Minister hian Varsity Miss atana thlan hnenah chawimawina a hlan a ni.