Ramsialin mihring a phîn

Lawngtlai district-a Lungzarhṭum khaw rama bawng rual zinga selê (ramsial) awm chu tun thlengin bawng rual zingah a la awm zel. April 29, Inrinni khan Bualpui NG-a Shalom Home-a ṭanpuina pe tura kal, Lawngtlai Thunder Club zinga mi, James Vanlalhriatchhunga, Lawngtlai Chanmari chu Lungzarhṭum daia a tlân laiin ramsial chuan a lo phîn a, mahse, a hliam na lo.

Thu dawn danin, ramsial hian James Vanlalhriatchhunga hi a bán bul ding lamah inchi ruk vela thuiin a tái thlêr a, Bualpui NG damdawi-inah ṭhui nghal a ni.

Bualpui NG-a Shalom Mission Home ṭanpuina pe tur hian Inrinni khan Aizawl Thunder, Lunglei Royal Knights, Lawngtlai Bullet Club leh Saiha Thunder Club-te'n Bualpui NG an pan a, an zinga fál deuh hleka tlan James Vanlalhriatchhunga chu selê chuan a lo bei a ni.

Ramsial hian a hmain scooty-a chuang mi pakhat a bei tawha sawi a ni bawk.