CYMA-in zirlai ti ṭha chawimawi

Central YMA chuan nimin khan CYMA Hall-ah kumin HSLC leh HSSLC-a Mizo zirlai ti ṭhate an chawimawi a, CYMA chuan, zirlaite chu an thiamna leh theihnate ram leh hnam tan hmang zel turin duhsakna an hlân.

Chawimawina leh lawmpuina inkhawm hi CYMA vice president Lalhmachhuana'n a kaihruai a; Mizoram University registrar Prof. Lalnundanga'n fuihna thuchah a sawi.

Central YMA-in zirlai an chawimawite chu HSLC-a ti ṭha zual 14 leh HSSLC-a ti ṭha zual Arts-ah mi 10, Science-ah mi 11 leh Commerce-ah mi 11, an vaiin mi 46 an ni a; lawmpuina thilpek an hlân a ni.