Dah nghet ngei turin sorkar ngen

All Mizoram Govern­ment Contract Employees Associations (AMGCEA) chuan, sorkar sum renchemna avanga sorkara a nghet loa thawkte dah ngheh theih loha a tihna Mizoram sorkarin June 28, 2022-a a hlîp ta chu lawmawm an tih thu an tarlang a; hriatthiamna zau tak nen a nghet loa thawkte dah nghet turin sorkar an ngen.

AMGCEA chuan, contract employee-te chu sorkar sum indaih loh lai, regular-a lâk theih a nih loh avanga contract-a dan dik tak DPC/MPSC kaltlanga lâkte an nih thu sawiin, "Kan hun ṭha zawng zawng kan lo hmang ral tawh a, hna dang beisei tura kum over tawh leh over mekte kan ni hlawm. Sorkarin min nghehtir zel kan beisei a, hun rei tak lo tangkhang tawh mi eng emaw zat kan awm mek bawk a, hriatthiamna zau tak nen min regular tir se tih hi kan duhin kan ngen tak meuh a ni," an ti.