International Labour Day hman a ni

Nimin May 1 kha khawvel pum huapa kut hnathawktute (labour) ni, 'International Labour Day' a ni a; hei ni pual hian Labour Employment & Industrial Training (LEIT) department chuan IPR auditorium-ah inkhawm an buatsaih a, LEIT secretary Benja­mina'n a hmanpui.

Inkhawm hi LEIT director Lalhmunsanga Hnamte-in a kaihruai a, International Labour Day pual hian awarness campaign leh mela buatsaih nghal a ni. Inkhawm zawhah Mizo­ram Building & Other Constructions Workers Welfare Board hnuaiah registration leh renewal tihna hun hawn a ni bawk.

International Lobour Day hi Lungleiah pawh LEIT department huai­hawtin IPR pisa con­ference hall-ah hman a ni a, MBOCWWB-a inziah luh theih dan leh a kalphung inhrilhhriatna hun hman a ni.

Lungleia Interna­tional Lobour Day hmanna inkhawm hi Lungleia LEIT officer Thangropianga'n a kaihruai a, Labours Union of Mizoram president Stephen Lalremruata'n kut hnathawktute tana sorkarin hamṭhatna a siamte leh MBOCWWB hmanga hamṭhatna awmte a sawifiah.

Lungleiah hian MBOCWWB-a inziak lut duhte tan Registration Mela neih nghal a ni bawk.