Chief Minister-in AFC a lawmpui

Chief minister Lal Thanhawla chuan, Aizawl Football Club (AFC)-te India rama football inelna sang bera an champion chu a lawmpui thu a sawi a, "AFC hlawhtlinna hi Mizoram leh mipuite hlawh­tlinna a ni," tiin, Ai­zawl FC chu an kal zelna turah duhsakna a hlan.

Chief Minister hian thuchhuah siamin, Aizawl FC champion chuan India ram chhungah, Mizoram leh Mizo ṭhalaite theihna a pholang tih a tarlang a, "Football-ah a ber kan kai ta tiin a sawi theih ta a. He hnehna hian nasa zawkin football a chawisang zel dawn a, hriat pawh kan hlawh belh dawn. Footballer-te tan kawng zau zawk leh hlawhtlinna nasa zawk a inhawn zel ka beisei," a ti.

Aizawl FC-te'n hlawh­tlinna an neih theih nana theihtawpa chhuaha inkhel Aizawl FC footballer-te leh club enkawltu te, kawng hrang hranga anmah­ni ṭawiawmtu Mizo­ram Football Associa­tion hotute leh mipui mimir, anmahni lo phûrpuite chungah Chief Minister chuan lawmthu a sawi a ni.