AMC-in bawlhhlawh paihna lirthei Enkawltute tan training buatsaih

Aizawl Municipal Corporation (AMC) leh State Investment Prog­ramme Management and Implementation Unit (SIPMIU), Aizawl chuan nimin khan Aizawla bawlhhlawh paihna lirthei khaltute leh handyman-te pualin training an buatsaih.

Training-ah hian driver leh handyman 80 vel an tel a; resource person pathumin bawlh­hlawh paihna lirthei enkawltute chu Aizawla public private partnership (PPP) mode hmanga bawlhhlawh senghawi leh thliar felnaa an mawhphurna an neih dan te, bawlhhlawh paihna (dumping ground) thlen hmaa bawlhhlawh bothlau tihtlem dante leh kawngpui dunga bawlh­hlawh phurh lai tla liam ṭhin laka inven dan turte an zirtir a ni.