Endik turin UDPA Minister ngen tum

YMA Sub-Hqrs., Serchhip hruaitute chuan nimin tlai khan an pisaah emergency meeting an nei a, Sub-Hqrs. YMA hnuaia Vigilance & Monitoring Committee-in Serchhip Hmarveng-a sports stadium sak hna kal mek a hmuna an tlawh report ngaihthlak a ni a, stadium sak mek enfiah turin UDPA Minister ngen nise, an ti.

Vigilance & Monitoring Committee chuan, stadium sak mekah hna thawh a muang lutuk leh hmanraw lak khawm a muang lutuka an hriat thu te, stadium-a tui paihna a mumal tâwk lo nia an hriat thu te, synthetic fibre tract lane, a tira awm tura ruahman paih leh a nih thu te, pavillion-a ṭhutna dah chu a zing lutuk leh tei vel harsa khawp nia an hriat thute leh, department aṭanga hnathawh viltu an awm mumal loh thute an sawi.

Meeting chuan, duhkhawp loh hrang hrangte endikpui turin UDPA Minister sàwma sawiho an rel a; UDPA Minister-in a hmuna a enfiah hma chuan hna thawh kal mekte pawh chawlhsan lailawk rih turin hna thawktute an ngen a ni.